XIV Arrasate Hiria
2014-12-27
Beste behin Arrasate Hiria
txapelketa jokatu da eta tamalez Luis Angel-ek bakarrik parte hartu
izan du. Beti bezala 6 txanda jokatu dira eta Gabon eguna inguruan
horrela banatu egin dira: 22 eta 23 txanda 18:00tik aurrera, 24
10:00etan, 25 ez da jokatu, 26 berriro 18:00etan eta 27an bi txanda
jokatu dira, goizean 10:00etan eta arratsaldean 16:00etan, sari
banaketa 20:00etan hasteko. Partiden erritmoa beti bezala 90'+30'' izan
da, baina edizio honen bitxikeria hiru atzerritan gazteen parte hartzea
izan da. Bi anaiak dira, Alexander eta Sebastaan Janse, Holandatik
etorritakoak, eta hirugarrena Singapurrekoa Cyrus Low Zhen Yu.
Hirurek oso txapelketa ona burutu dute eta Elo puntu asko eraman
dituzte Arrasatetik, batez ere azken honek, partidarik ez baitu galdu
txapelketa osoan eta nahiko erraz lortu zuen berdinketa MI Alejandro
Franco-ren kontra, bukaeran txapelketaren irabazlea.
 Gazteak ez dira nekatzen, sari banaketa baino lehen hasi ziren pintxetetan Alexander Janse eta Cyrus Low Zhen Yu.
Bere partetik, Luis Ángel-ek azken eguna baino lehen espero zena
egin zuen. Mikel Ortegaren gaztearen kontra berdindu zuen, baina hori
normaltzat har daiteke beltzekin jokatu zuelako eta kontuan hartzen
badugu bere errepertorio mugatua eta zein ondo prestatzen duen nafarrak
irekiak. Zoritxarrez, azken egunean energia falta zegoen Luis Ángel,
goizean Alejandro Francorekin jokatu zuen, maisuak mugimenduen ordena
aldatu zuen eta honek Luis Ángel despitatu zuen, posizio pasibo batean
erori zen eta maisuak ez zion aukerarik eman, eraso latz batekin.
Arratsaldean hondamena iritsi zen, Luis Ángel Jane gaztearekin,
Sebastaan, jokatu zuen, ez zuen planarekin asmatu eta bi pieza laga
zituen, lehenengoa mutilak ez zuen ikusi, baina bigarrena bai, zorte
onez zaldia ez zen irtetzen eta berdindua zegoen pozisio batera iritsi
zen. Azkenean 6. sailkatu da eta saria eta guzti bueltatu da.
Azken sailkapena lotura honetan. Argazki gehiago jarraian:
|