Agustin de Leitza Xake Elkartea

Beasaingo pintxeta txapelketa

Beste urte bat Beasaingo elkartetik gonbidatu gaituzte beraiek antolatzen duten txapelketa jokatzeko, eta gero egiten den bazkariari ere. Hemendik eskertu nahi genuke gonbidapena eta esan dena oso ondo antolatuta egon dela eta janaria oso ona. Bazkarian jan dugu urdaiazpikoa eta patea, sarrera bezala, gero arkumea eta postreak.

Xakeari dagokionez, 14 talde jokatu dute, ez bakarrik Gipuzkoatik etorriak, beste probintziatik etorriak ere. Seigarren postuan sailkatu da gure taldea Tolosa-Ibarra-ren aurrean (nahiz eta buruz-buruzko neurketan galdu egin dugu 3-1). Kontsolamendu geratzen zaigu, gu izan garela txapelketa irabazi duenak, Gros, ezin izan duen irabazi talde bakarra, gure taldekoek irabazi baitute Santi eta Elvis-en aurka.